Mabilis na lumipas ang araw, hindi ko napansin na isang linggo na agad ang nagdaan. Isang linggo na akong pumapasok sa aking trabaho ganoon din ang kambal sa kanilang bagong school. Hindi lang iyon dahil si Sebastian na boss ko ay walang palya sa pagsundo at paghatid sa aming tatlo sa loob ng buong linggong lumipas.
Kung sunduin at ihatid niya kami ay daig pa niya ang pinapasahod ng malaki sa sipag niya na ikipinagtataka ko dahil ginagawa niya iyon nang libre. Kaya naman si Tatay Mike na aming driver ay malapit na niyang agawan ng trabaho.
“Normal ba sa isang boss na gawin iyon?” Naipilig ko ang ulo habang tinatanong ang sarili pero kalaunan din ay itinuloy ko na lang ang ginagawa.
Nandito ako ngayon sa pantry para ihanda ang pananghalian ni Mr. Villarama. Araw-araw ay nagbabaon ako n
