Nakasunod lang kami kay Mr. Villarama kaya naman noong pumasok siya sa loob ng elevator ay pumasok din kami nina Jerico at Hestia. Daig pa namin ang may paligsahan sa pagtitipid ng laway dahil walang nagsasalita sa aming tatlo.
“You have long hair like me, Mr. Ice cream. We are so cool!” saad ni Sol habang pinaglalaruan ng maliliit niyang daliri ang maayos na pagkakapusod ng buhok ng aking boss.
Noon ko lang napansin na pareho pa ng ayos ang kanilang buhok. Nakasuot na nga siya ng pang-Spiderman na damit na siguradong mainit sa katawan, kaya ang sabi ko sa kanya ay itatali ko na lang ang buhok niya.
“And we are both handsome, young man…” sagot ng boss ko na agad naman na sinang-ayunan iyon ng aking anak.
Napatingin naman ako kay Luna na hindi na yata natanggal ang tingin sa lalaki n
