ISANG araw lang pumasok sa school si Lucian at absent na naman. Nag-abang pa naman si Aniya sa canteen baka sakaling magawi roon ang binata. Pero tanghali na ay hindi pa rin niya ito nakikita. Pinamigay na naman niya sa mga kaklase niya ang cassava cake na para kay Lucian.
Dahil busy sa laboratory, hindi nasagot ng dalaga ang tawag ng mommy ni Lucian. Alas-kuwatro ng hapon na kasi sila nakalabas ng laboratory dahil sa whole day activity. Matamlay siyang naglakad patungong canteen upang kunin ang pinagbentahan ng kakanin.
Nabubunggo na ng mga nasasalubong niya ang kaniyang balikat pero napahinto siya nang may babaeng humarang sa daraanan niya. Tumitig siya sa mukha ng babae. Nabuhay ang dugo niya nang makita si Kimberly. Seryoso ito habang sinusuyod siya ng tingin. Maamo ang hilatsa ng m
