TUWANG-TUWA ang mommy ni Lucian nang malamang tinanggap ng binata ang pagkaing hinatid ni Aniya. Hindi rin naman niya iyon inaasahan dahil sabi nga ng ginang ay hindi basta nagpapapasok ng ibang tao sa kuwarto nito si Lucian. Nasa kusina sila at ihinahanda niya ang sangkap para sa cassava cake.
“Ano ang ginagawa ni Lucian nang pumasok ka sa kuwarto niya, Aniya?” excited na tanong ng ginang. Pinapanood siya nito.
Naisip niya ang hitsura ni Lucian na hubad-baro. Ang lakas ng dating niyon sa kaniya.
“Katatapos lang po niyang naligo nang pumasok ako. Hindi pa nga po siya nagbibihis,” tugon niya. Nagsasala na siya ng cassava flour.
“Talaga? Hindi ba siya nagalit nang makita ka?”
“Hindi naman po. Maganda naman ang mood niya. Nagtanong lang siya bakit narito ako.”
“That’s good. Pero wala k
