BALIK-ESKUWELA na naman. Mabuti na lang naayos na ni Lucian ang schedule ng duty ni Aniya sa laboratory. Pareho silang magtatrabaho sa gabi pagkatapos ng afternoon class.
Dahil araw-araw silang bibiyahe, may kasama na ring bodyguards na magmamasid sa labas at loob ng campus lalo nang magbigay ng bagong report ang mga pulis. Kinakabahan si Aniya dahil may nahuli ang mga pulis na tauhan ng Sandugo gang na siyang nagmamasid sa labas ng bahay nila at laboratory. Pero sadyang matitigas ang tauhan ng sindikato dahil hindi talaga itinuro ang boss ng mga ito kahit anong interogang gawin ng alagad ng batas.
Naninibago si Aniya dahil kahit saan siya magpunta ay guwardiyado siya. Kahit magkasama sila ni Lucian sa iisang campus, may pagkakataon na hindi sila nagkikita dahil busy na ang medicine stu
