NAG-ORDER ng apat na beer si Nash. Hindi na ito tinanggihan ni Lucian. Ganoon si Nash kapag may problema, gustong may kakuwentuhan habang may tinutunggang beer. Alam niya na hindi lang pamilya ang problema nito kundi ang trabaho. Nabasa niya ang status nito sa f*******: at tila may pasaring tungkol sa management ng team na kinabibilangan nito sa sport.
“Gusto ko nang mag-quit sa sport at mag-focus na lang sa business,” sa wakas ay sabi nito.
Naroon na sila sa penthouse nito, sa may sala. Doon niya ito pinapunta upang madali na lang maakay papasok ng kuwarto sakaling malasing. May tama na rin ito ng alak dahil may naubos nang dalawang bote ng beer sa bar pa lang sila.
“Bakit?” tanong niya.
“Ang toxic na masyado sa organisasyon. Hindi na patas ang treatment.”
“Are you sure about that? P
