KUMAKAGAT na ang dilim sa buong paligid. Halos ayaw nang humiwalay ni Aniya kay Lucian.
“Dumidilim na, baka puwedeng dumito muna kami, Lucian,” sabi ni Mang Elmer.
“Okay lang po ba sa inyo? Wala akong pagkaing maluluto rito,” ani ni Lucian.
“Manghuhuli kami ng baboy ramo,” sabi naman ni Frank.
“Kami na ang bahala,” anang isang sundalo.
Napawi ang lumbay ni Aniya nang masilayan niya ang sigla sa mga mata ni Lucian. Halos ayaw nitong alisin ang kamay sa baywang niya. Habang naghahanda ng hapunan ang mga kasama nila ay pumasok sila ni Lucian sa kubo na ginawa nito.
Nagulat siya nang makitang may mga gamit ito roon. Meron itong sabon, toothpaste, sipilyo at shampoo. May mga pantalon din ito at underwear.
“Teka, saan ka kumuha ng pera na pambili ng mga gamit?” tanong niya.
“Ang iba, kin
