WALANG tigil sa pagpatak ang luha ni Aniya nang malaman mula kay Mang Elmer na tuluyang nawalan ng kontrol si Lucian at hindi napigilan. Hinahanap pa ito ng mga pulis dahil biglang nagwala at nakatakas. Hindi na siya makatayo mula sa sofa dahil sa labis na emosyon.
Inalalayan lang siya ni Nash. “Relax ka lang, Aniya. Babalik si Lucian,” anito.
“Hindi na ako nakikilala ni Lucian. Ayaw niyang pakinggan ang tinig ko,” humahikbing wika niya.
Tinabihan siya ni Nash. “Hindi totoo ‘yan. Maaring nahihirapan lang si Lucian pero babalik siya. Huwag kang mawalan ng pag-asa.” Inalu-alo siya nito.
Kahit igiit niyang tama si Nash, ayaw pa ring paawat ng emosyon niya. Halos hindi na siya makapagsalita kakaiyak.
Mamaya ay bumalik ang grupo ni Frank na humingi ng update sa istasyon ng mga pulis. Balis
