NAGLALAMPASO ng sahig sa pasilyo patungong admin office si Aniya nang mamataan niya si Mrs. Miranda na humahakbang palapit sa kaniya. Malungkot ang mukha nito. Malaki ang problema nito kay Lucian, at malamang ay ipipilit nito ang pabor sa kaniya.
“Aniya, nag-uusap pa ba kayo ni Lucian?” tanong nito nang huminto may isang dipa ang layo sa kaniya.
Tumigil siya sa kaniyang ginagawa. “Uhm, ayaw na pong makipag-usap sa akin ni Lucian. Iniiwasan na niya ako kahit sa school,” sabi niya.
“Ano ba ang mga sinabi niya sa iyo bago ka umalis dito kahapon? Pagpasok namin sa ward ni Lucian ay wala na siya. Tumakas siya. Nalaman ko na lang na naroon na siya sa bahay noong madaling araw. Hindi ako nakatulog sa pag-aalala sa kaniya.”
“Mas mainam po siguro kausapin ninyo nang masinsinan si Lucian. Ginawa
