PATULOY ang pagsuri ni Nash sa paligid ng rooftop. Walang maisip na paraan si Aniya upang pigilan ito bago nito makita si Lucian, o maaring sila ang salakayin ng halimaw. Natatakot siya baka hindi niya mapigil si Lucian at masaktan sila pareho ni Nash.
Maraming tambak na kahoy roon at meron pang barracks na ginawa ng construction workers noong nag-renovate ng gusali. Nang palapit na si Nash sa mas malaking barrack ay sinugod na niya ito. Pinigil niya ito sa kanang braso saktong lumabas si Lucian na halimaw at sinugod sila.
Napaatras silang dalawa ni Nash. Akmang ipuputok nito ang baril ngunit sinipa niya ang kamay nito kaya tumalsik ang baril.
“Nababaliw ka na ba, Aniya? Bakit mo ginawa ‘yon?” inis nitong sabi. Pumulot na lang ito ng dos por dos saka inihataw sa dibdib ni Lucian pero hi
