DANAYA
Dahil malamig ang panahon at masarap rin mahiga sa kama, kaya matapos ang mainit na tagpo sa pagitan naming dalawa ni JC, ay nakatulog ako ng mahimbing.
Hinayaan naman akong matulog ni JC at ginising lang niya ako nang matapos na siyang maghanda ng almusal.
“Baby, wake up,” malambing na bulong niya sa akin. “It's late, kailangan mo nang kumain.”
Naramdaman kong hinalikan niya ako sa leeg, at mula sa likuran ko ay niyakap ako ng mahigpit.
Dahil inaantok pa ako at tinatamad bumangon, umungol lang ako at hindi nagdilat ng mga mata. Mas gusto kong humiga at manatili sa kama dahil bukod sa napagod ako ay malamig rin ang temperature, kaya masarap matulog.
Pasaway kasi si JC. Pinagod niya ako kanina, kaya alam niyang mas gusto kong magpahinga ngayon at manatili sa kama. Masarap kasi
