DANAYA
Maghapon kaming nagkulong ni JC dito sa silid. Hindi kami bumaba dahil mataas ang tubig kanina. Hindi ko na rin mabilang kung ilang ulit na hinampas ng malalakas na hangin itong beach house, kaya minabuti naming dito sa taas mamalagi dahil hindi ligtas kung bababa kami.
Nakatayo ako sa tapat ng bintana nang maramdaman kong pumulupot ang mga braso ni JC sa bewang ko mula sa aking likuran.
“What are you thinking?” masuyong tanong niya sa akin.
“Wala,” mahinang sagot ko.
“Kanina ka pa nakatayo dito, hindi ba nangangalay ang mga binti mo?”
Umiling lang ako bilang sagot. Komportable na rin ako na ganito kaming dalawa ni JC ngayon, kaya sumandal ang aking ulo sa kanyang balikat.
"Thank you for coming. I really appreciate it. This typhoon is very strong, and it's been hard for me to
