DANAYA
Sabay kaming bumaba ni JC at humarap sa mga magulang namin. Hindi kasi siya pumayag na mauna sa akin dahil mukhang natatakot siyang magbago ang isip ko at baka hindi na naman matuloy ang aming kasal.
Nakapagbihis na ako, at sa tingin ko naman ay presentable na ako sa suot kong simpleng puting bestida, habang si JC naman ay nakasuot ng kulay asul na polo at itim na pantalon na maong. Kaya kahit paano, maayos ang suot naming dalawa.
Nahihiyang bumalik ako sa upuan namin ni JC kanina at muling umupo katabi siya.
“Ano, napilit mo na bang magpakasal sa iyo si Danaya?” nakabungisngis at nanunuksong tanong sa amin ni Ninong Alexander.
“Manahimik ka, Alexander, at baka magbago ang isip ni Danaya,” sabi ni Ninong Avery sa asawa.
“Nagkasundo na ba kayong dalawa?” tanong ni Mommy sa amin
