DANAYA
Hindi ko inaalis ang aking mga mata sa batang hawak ni Ninang Camilla. Niyaya nila akong umupo dahil napansin nilang nanginginig ako.
“Calm down, anak,” sabi ni Mommy.
Inabutan niya ako ng tubig, pero hindi ko ito kinuha. I want an answer to all my questions dahil may ideyang pumasok sa isipan ko ngayon, pero pakiramdam ko ay nababaliw na ako, kaya ganoon ang naisip ko matapos makita ang batang kalong ni Ninang Camilla ngayon.
“Uminom ka muna. Kapag hindi mo ininom ang tubig na ‘yan, hindi ko sasagutin ang kahit isa sa tanong mo,” pormal ang ekspresyon na sabi ni Mommy.
Lumapit naman sa amin sina Daddy at Ninong Jared. Sila na lang ang naiwan dito dahil mukhang umuwi na rin sina Ninong Alexander at Ninong Declan.
Nanginginig ang mga kamay ko nang inabot ko ang baso sa harap k
