DANAYA
Naabutan kong nakasalampak sa sofa si Aidan at nagkalat ang mga bote ng alak sa sahig at ibabaw ng center table.
“Tsk, lango na naman sa alak ang pinsan mo, Danaya. Pauwiin mo na nga sa bahay niya para hindi ako nagmumukhang tagapag-alaga niya,” utos ni Romeo sa akin.
Tinapunan ko siya ng masamang tingin. Mukhang may problema nga ang pinsan ko dahil hindi siya magpapakalasing ng ganitong oras kung okay lang siya.
“May number ka ba ni Faye?” tanong ko kay Romeo.
“Meron, pero mukhang naka-block ako dahil hindi ko na siya matawagan. Alam mo namang possessive ang pinsan mong ito at katulad ni Jamier na ayaw maagawan ng asawa,” nakangiting sagot ni Romeo habang mapang-asar ang ekspresyon na nakatingin kay JC.
Hiningi ko sa kanya ang number ni Faye at tinawagan ko ang asawa ni Aida
