JC
Wala akong sinabing kahit ano kay Trixie tungkol sa nangyaring aksidente kay Nurse Aileen. Pinaalam ko sa kanya na pwede na siyang lumabas ng ospital at sa bahay na lang magpagaling, pero nakita kong tila nabahala siya nang marinig ang sinabi ko.
“What's wrong?” kunot ang noo na tanong ko sa kanya.
“W-wala, huwag mo na akong pansinin.”
Mas lalong nangunot ang noo ko dahil nakikita kong umiwas si Trixie.
“You know I don't appreciate it if you're hiding something from me, Trixie,” pormal at seryoso ang ekspresyon na sabi ko sa kanya.
Kinagat niya ang pang-ibabang labi at yumuko sa harap ko.
“Ang totoo kasi, wala na akong bahay na uuwian JC,” paliwanag ni Trixie sa akin.
“Tatlong taon na akong nanatili dito sa ospital, kaya sigurado akong tinapon na ng landlord ko ang mga gamit na
