DANAYA
Matapos ang halos isang linggo na naka-confine sa ospital ang asawa ko ay nakauwi na rin kami ngayong araw dito sa bahay. Sinundo kami ng mga tauhan ni Ninong Jared at naka-convoy rin sila sa amin sa daan.
Nakakakaba dahil marami ang puwedeng mangyari habang nasa labas kami, pero laking pasasalamat ko na nakarating kami ng ligtas dito sa bahay.
Ang inaalala ko ay ang kapatid ko. Ligtas na ako, at nagpapagaling na rin ang asawa ko, pero hanggang ngayon ay wala pa rin kaming balita kung nasaan na si Aliandrie.
Alam kong ginagawa ni Daddy at ng iba ko pang kapatid ang lahat para mahanap at matunton si Diane, pero biglang naglaho ang babaeng iyon at hindi na muling nagparamdam sa amin.
Alam kong nasa paligid lamang ang babaeng iyon. Nag-aabang at naghihintay ng tamang pagkakataon
