DANAYA
Wala na si JC nang lumabas ako mula sa aking silid. Naidlip kasi ako habang nakatitig sa kisame at hinihintay ko siyang umalis para makalabas na ako dito sa guestroom dahil ayaw kong magkita kaming dalawa.
Hindi ko inaasahan na may makikita akong nakahandang pagkain sa ibabaw ng mesa. May iniwan rin siyang note katabi ng baso, kaya inabot ko ito at binasa.
“Please don't forget to eat your breakfast, Danaya. I love you.”
Biglang tumibok ng malakas ang aking puso. Napabuntong-hininga ako habang nakatitig sa maliit na papel na hawak ko. Dati, ako ang gumagawa ng ganito sa umaga kapag narito si JC bago pumasok sa opisina niya, pero ngayon at kabaliktaran na.
Dahil ayaw kong masayang ang pagkaing hinanda niya, kumain ako ng almusal. Pabor na ito sa akin dahil hindi na ako magluluto
