DANAYA
Dinala ni JC ang mga dala niya sa dating silid kung saan ako natulog noong pumunta ako dito. Master bedroom ito at ito rin ang kuwarto niya, kaya dito talaga pala siya tumutuloy.
Nakasimangot pa rin ako at hindi ko siya kinakausap. Hinayaan naman akong magmaktol ni JC at hindi sinabayan ang init ng aking ulo.
Lumabas siya ng silid at makalipas ang halos dalawampung minuto ay bumalik, dala ang isang tray na may lamang pagkain.
“Kain na,” nakangiting sabi ni JC sa akin nang ilapag niya sa harap ko ang pagkaing dala niya.
“Ayaw ko, hindi ako nagugutom,” nakasimangot na sagot ko.
Para siyang walang narinig. Kinuha niya ang kutsara at tinidor at nilagay sa pinggan, at pagkatapos ay inabot sa akin.
“Kapag hindi mo kinain iyan, ikaw ang kakainin ko magdamag,” nakangiting banta niya
