Nang bumalik si Alexander mula sa kanyang meeting ay nakapagbihis na ako. Kasabay namin sila Evan at Grace sa lift pababa ng basement. Sinuklian ko ng ngiti ang bating ngiti rin sa akin ni Grace. Iginiya ako ni Alexander papasok sa kanyang kotse at umalis na kami ng building.
Nang makarating sa condo ay saglit lang akong nagpalit ng pambahay. Agad kong tinungo ang kusina para makapagluto na ng dinner. Matapos kumain ay kinulit pa ako ni Alexander na sabayan siyang maligo. Sa huli ay wala rin akong nagawa kundi pagbigyan siya. Nakapag-movie marathon pa kami bago tuluyang nakatulog. Tingin ko’y si Alexander narin ang nag-off ng tv dahil nauna akong nakatulog sa kanya kagabi dulot narin ng pagod.
“Alexander, magpapaalam sana ako…” kinuha ko ang pagkakataon isang umaga habang kumakain kami n
