“WALA na ba talaga kayo? Seryoso?”
“Paulit-ulit ka, Mad.” Hindi man sabihin ni Madeleine nang direkta sa kanya pero alam niyang botong-boto ito kay Zale. “‘Yong pinapagawa ko sa ‘yo, nagawa mo na?” palit niya ng topic.
“Wala pa akong makitang magaling na imbestigador, e. Pero bakit hindi mo subukan ang Alleanza Oscurra?”
“Alleanza?”
“Hindi mo kilala ang Alleanza? Sila ang majority na may hawak sa security ng buong palasyo. Kilala rin sila sa magaling pagdating sa field na ‘yan. At personal na kinuha sila ng ama mo noon para italagang magbantay sa inyo maliban sa PSG”
“Oh.” Saglit siyang natigilan.
Oo nga pala. Pag-aari iyon ng mga Madrid.
Natigilan na naman siya nang maalalang close ang ama sa mga Madrid. Pati ng ama ni Zale. Kasabay niyon ang pag-alala niya noong birthday ni Arama
