“SIGURADO ka bang Markesa ang may gawa niyon sa anak mo?”
“Kita mo naman sa ebidensyang nakalap ng ating kapulisan at army. Konektado ang NPA at ang Markesa, noon pa man. Sino ba ang nagsu-supply ng mga armas nila? Ang Markesa lang. Ang mga natagpuang basyo sa lugar na pinagdalhan sa anak natin, kagaya ng mga iniimport ng grupong iyon. Kaya hindi nila pwedeng itanggi!”
Wala naman alam ang ina niya sa usaping ganyan. Kung ano lang ang sinasabi ng Daddy niya ay pinapaniwalaan nito.
“Kailan ba sila titigil? Nakaraan, ako ang puntirya nila. Ngayon naman, ang anak natin. Ano ba kasi ang kasalanan natin sa kanila? Bakit ba hindi sila tumitigil?” Napahagulhol ang ina habang hawak ang kamay niya.
Kung Markesa nga ang may gawa nito, ibig sabihin, pumayag si Zale sa gusto ng Ninong na iyon. Mas
