“I’M BUSY,” ani ni Zale nang pumasok si Michelle. Nasa telepono nito si Mauro. Hindi niya alam kung ano pakilala ni Mauro dito at kinausap naman ng sekretarya niya.
Nakaraming missed call na si Mauro talaga sa numero niya pero hindi niya sinasagot dahil puro tungkol kay Ella lang naman ang sasabihin nito.
Ilang araw na niyang tinikis si Ella. Naiinis siya sa nobya dahil hindi man lang nagsabi na kasama nito si Colton sa Bicol. Buti na lang binalita sa kanya ni Mauro kaya nalaman niya kung sino ang mga kasama nito sa medical mission na iyon.
Kaya siguro iniiwasan ng nobya ang tawag niya dahil magkasama ang mga ito sa Bicol. Kaya pala sa pamamagitan ng text lang ang komunikasyon nila.
Kung pwede nga lang na tuluyan si Colton, nagawa na niya. Pero hindi pwede dahil siguradong magagalit s
