NAKANGITING nilaro ni Cinderella ang buhok ni Zale. Mapayapa na kaagad ang tulog nito. Mahigpit din itong nakayakap sa kanya.
Hindi niya maintindihan ang nangyari sa kanila ngayon, pero marami siyang napagtanto.
Kailangan ni Zale ng taong iintindi sa kanya ngayon. Kailangan din nito ng makakasama, 'yong hindi siya iiwan.
Saka nang yakapin niya ito, napakalma niya ito sa naramdaman nito kanina matapos nitong matanaw ang ama nito na sumalubong sa mga bisita. Alam niyang isa na ang ama sa naging dahilan kung bakit ganoon ang reaksyon niya.
Napatitig siya sa binata, sana maging open ito sa kanya para maintindihan niya talaga ang totoong nararamdaman nito. At sana makumbinsi niyang makinig ito sa kanya mamaya. Hindi siya papayag na umalis na lang ito basta-basta na at bumalik ito sa da
