KAHIT NA kailan ay hindi pumasok sa isip ni Count ang pag-aasawa. Hindi rin pumasok sa isip niya ang pagmamahal ng iisang babae lamang. Aminin man niya o hindi, tama ang kaniyang ama. Babaero siya at walang patutunguhan ang buhay. Subalit noon iyon, noon na hindi niya pa nakikilala si Serenity at pinapakasalanan. Ang akala niya ay magiging malungkot at nakatatakot ang magiging buhay niya kasama ito, ngunit malaking kabaliktaran iyon. Imagine he got married where everyone was wearing black? Tila siya nagpakasal sa isang mangkukulam. Napakagandang mangkukulam.
Diring-diri siya noon sa babae subalit mapaglaro ang kaniyang damdamin at nagising na lamang na mahal niya ito. Maaga niyang nakita kung ano ang kayang ibigay ng babae para sa kaniya, na walang kahit na sino ang gumawa kahit na ang m
