HINDI inaasahan ni Serenity ang naging bungad ni Winona nang makarating ito sa mansion kasama si Count. Tila wala itong sigla nang yumakap sa kaniya pagkatapos ay naupo sa sofa sa living area. Pakiramdam niya ay hindi ito ang kapatid. Malayong-malayo kasi ito kay Winona na napakagulo at napakaingay kapag umuuwi sa bahay. Hindi matatahimik ang mansion kapag narito ito. “What happened?” tanong niya kay Count nang pumasok ang asawa matapos iparada ang sasakyan. “At nasaan ang mga gamit ni Winona?”
Natapik ni Count ang noo nang ngayon lamang naalala ang mga gamit ni Winona na nananatiling na kay Gino. “It’s a long story, baka ma-stress ka lang.” Yumakap ito sa kaniya at hinalikan ang kaniyang pisngi bago naglakad upang umakyat na sa itaas.
Hindi siya makapaniwala kung anong mayroon sa mga
