HINDI MAPAKALI si Count dahil makailang ulit niya nang tinatawagan si Winona ngunit namamatay lamang. Naroon na siya sa airport ngunit hindi niya naman makita ang kaniyang susunduin. Wala rin naman siyang balak na i-update ang asawa sa nangyayari. Susubukan niya munang hanapin si Winona rito. “Where is she?” tanong niya sa dalawang tauhan na pinauna upang maging bodyguard ng dalaga ngunit ang mga ito ay nahuli rin ng dating dahil nagkaroon ng aberya sa sasakyan.
Umiling ang isa. “W-wala na po sa loob, Sir. Inikot na namin.”
Naiinis siya sa naging tugon nito ngunit hindi nais magpadala sa inis. Tumingin siya sa suot na relo na nasa pulso. Kanina pa dapat nakababa ng eroplano si Winona, ngunit hindi nila ito makita. Hindi kaya nainip ito at nauna nang umuwi? Kung tatawag siya sa bahay up
