NABALITAAN ni Gino ang nangyari kina Serenity at Count sa kalsada at hindi siya makapaniwala. “It wasn’t me,” wika niya sa kaibigan na ngayon ay kasama sa silid, “Kung ako man ‘yon, hindi ko isasama si Lady O. Si Count lang sana ang pinapuntirya ko, at sisiguraduhin kong wala na siyang hininga ngayon.” Malalim siyang napabuntong hininga at naikuyom ang kamao. Hindi niya alam kung sino ang nasa likod nito, ngunit isa lang ang sigurado siya... hindi siya iyon at hindi niya pagbabalaking mapahamak ang babaeng gusto. “Suwerte talaga ang lalaking ‘yon, sana ay tinamaan siya ng bala. Ang tanga naman kasi ng gunman.”
Natawa ang kaibigan at pinag-ekis ang braso sa dibdib. “So, what’s your plan now? Nasabi ko na sa ‘yo ang lahat ng planong binuo nila at maging ang tungkol sa auction.”
“Itutuloy
