HANDA na ang lahat; ang plano, ang kanilang mga gagamitin, ang mga susuotin at maging ang kanilang mga sarili para sa darating na auction. Hinintay na lamang nila ang tamang oras upang tuluyan nang magtungo sa lugar na paggaganapan ng naturang subasta, at hindi lamang ito basta subasta dahil mayroon pang iba’t ibang event ang magaganap bago tuluyang magsimula ang subasta. Doon naisip ni Count ang paglalaro nina Hestia at ng iba pa nilang kasamahan sa loob ng ring upang lumaban sa isang underground fight. Kaya naman sa loob ng kani-kanilang mga gown ay maydoble silang damit. Maiiksi lamang ang mga iyon.
“We’re here,” wika ni Count nang ihinto ang sasakyan. Kasabay nito ay ang paghinto rin ng mga sasakyan ng iba pa nilang kasamahan. Kinailangan nilang maghanap ng parking, at mas minabuti n
