SALUBONG ang mga kilay ko habang nakatanaw sa bahay na pinuntahan ni Victoria. Pag-alis nila ng kaibigan niya kanina ay nagpaalam na rin ako sa mga kasama. Palihim kong sinundan ang kotse niya simula pag-alis sa restaurant hanggang sa ibaba niya ang kaibigan sa isang kanto. Nakasunod pa rin ako hanggang sa makita kong pumasok ang sasakyan niya sa gate ng isang di-kalakihang bahay. Pagsara ng gate ay pumarada naman ako sa mismong tapat noon. Ito na nga siguro ang bahay niya. Luma na, pero mukha namang maayos at safe pang tirhan.
Dito ba siya itinira ng lalakeng sinamahan niya? Dito ba niya ginamit ang perang nakuha niya sa akin? Half a million is not a joke. Pwede na ring ipambili ng isang maliit at hindi kagandahang property.
Hindi ako sigurado. Pwede ring sa ibang tao ang bahay. She b
