NAPANGITI ako nang maisuot na sa mannequin ang isa sa mga bago kong likha. It's a fashion trench coat in cider color. In demand ang ganoong outer garment sa mga malalamig na lugar gaya ng Europe at US. Noong isang linggo ko pa natapos ang design, pero kahapon ko lang sinimulang tabasin at ipatahi sa aming regular sewer.
"Gorgeous! Bilib na talaga 'ko sa'yo, sis!" sambit ni Garrie.
Hindi ako nagbubuhat ng sariling bangko, pero masasabi kong iyon mismo ang navi-visualize ko sa magiging unang trench coat ng Audrey. Bagaman ilang bahagi ng coat ang hindi pa tapos gaya ng mga laylayan na wala pang overlock. Wala pang top stitch ang mga lapel, malalaking bulsa at malapad na kwelyo nito at hindi pa naikakabit ang underlining. Pinupursige ko ngang matapos ang unang sample para maisama sa portf
