UMALIS na rin agad ako pagkahatid ko kina Audrey at Teresa sa school. Dumaan muna ako sa shop bago umuwi. Pagdating naman sa condo ay inatupag ko agad ang pag-iimpake ng mga damit ko at damit ni Audrey dahil iiwan ko muna siya sa bahay ni Uncle Rei habang nasa Maynila kami ni Maricar. Ang kay Teresa naman daw ay nailagay na nito kagabi pa sa isang bag at kukunin ko na lang sa cabinet niya. Ihahatid ko muna ang mga bagahe nina Audrey at Teresa kina Uncle Rei bago tumungo sa airport.
Mamaya pa naman dapat ako mag-iimpake dahil bukas pa sana ang aming alis, pero tumawag ulit sa akin si Maricar kagabi para sabihing naipadala na ni Joni ang aming plane tickets at ngayong araw na rin ang aming lipad. Medyo na-stress ako sa balita niya. Mabuti na lang at after lunch pa ang flight schedule kaya m
