Chapter 44: Tanga
“Anong ginawa mo habang wala ako rito, boss madam?” tanong sa akin ni Kevin ng makapasok kami sa aming silid. Tapos na kaming maghapunan at magligpit sa aming pinagkainan. Tinapon ko ang aking sarili sa kama at padapa na humiga.
Sobra akong napagod. Ewan kung bakit. Wala naman akong mabigat na ginawa ngayong gabi.
“Nag usap kami ng dad mo,”
“You mean, dad natin. Future daughter-in-law ka nila. Magiging isang pamilya na tayo, boss madam,” nilingon ko si Kevin. Hinubad niya ang kanyang sinuot na damit at tinapon lang sa sahig. Aangal na sana ako pero inintindi ko na lang. Ilang oras din ang byahe patungong syudad tapos babalik pa dito. Tiyak na nakakapagod talaga.
Hindi naman makalat na p*********i si Kevin. Ngayon lang talaga. Kita naman sa kanyang mapupungay n
