Naalimpungatan si Felix at biglang napabalikwas ng bangon mula sa sofang hinihigaan. Hindi niya alam kung nasaan siya at kung nakaninong bahay. Napahimalos siya ng mukha gamit ang dalawang kamay at pagkatapos ay nagpalinga-linga upang alalahanin ang nangyari bago siya napunta roon.
Ang pagtatanda niya ay nasa Maynila siya. Gabi na nang maisipan niyang balikan si Pretzel sa silid bago siya umuwi ngunit wala ito roon..Wala dahil umalis na ayon kay Felicity na naabutan niyang kasama ng mga magulang ni Pretzel sa loob ng silid nito mismo.
Ang sabi raw nito sa kanyang sa kapatid ng kanyang Mama na siyang naghatid pa sa dalaga sa airport ay may aayusin lamang daw ito sa Isla at pagkatapos ay babalik agad upang sa Maynila na manganak at makasama sila ngunit hindi siya kampante sa salita lang ng
