Nang matapos silang kumain ay sa sala na sila nagpatuloy sa kwentuhan. Sinulit ang mga oras at napuno ng tawanan ang gabi dahil sa mga kalokohan ni Felicity. Parang isa silang malaking pamilya na iisa. Pati ang Mama ni Felix ay hindi nagpapahuli sa nga kwento niyang nakakatawa.
Pinagkakaguluhan nila ang mga lumang litrato at ang naging tampulan ng tukso ay si Felix na natatawa na lang sa mga kwento kahit na pinagtutulungan siya ng mga kapatid niya. Hindi na nila namalayan ang oras at umabot sila hanggang ala una ng madaling araw.
Si Lea ang unang umakyat ng silid dahil tinawag siya ng kanyang mister na pinabantay niya sa kanilang sanggol na anak, umiiyak raw baka gutom kay umakyat na siya upang magpapadede.
Nagpaalam na ang mga magulang ni Pretzel upang makapagpahinga na rin silang lah
