Third-person's POV
Gaya nang sinabi ni Pretzel, kinabukasan ay agad nagsimula sa panliligaw si Felix. Wala namang maraming pagbabago, ganoon pa rin kung alagaan niya ito ngunit mas marami na siyang nagagawa at nasasabi ng malaya sa dalaga sa tuwing mag-uusap sila, iyong kapag sila lang dalawa magkasama lalo na kapag gabi at tatambay muna sila sa labas upang tumingala sa langit at naghihintay kung may bulalakaw na maligaw.
Alam na ng lahat na pinayagan na ni Pretzel si Felix manligaw kaya panay ang kantiyawan kapag magkasama sila. Pinapayuhan pa ng mga kalalakihan si Felix kung ano ang magandang gawin. Kaso ang nangyayari ay parang hindi naman sila nagliligawan dahil nagkasama sila sa iisang bubong at parang mag-asawa sila wala nga lang ano, alam niyo na. Takot sa kanyang future commander
