Pagbangon ni Pretzel mula sa kanyang kama, ang una niyang nakita ang lugar kung nasaan naglalatag ng higaan si Felix. Wala na ito roon, nakatupi na ang comforter at nakapatong na sa upuan kasama ng unan na kayang ginagamit gaya ng nakikita niya sa araw-araw na magkasama sila.
Pasado alas syete pa lamang iyon ng umaga at alas otso sila nag-uumpisa sa pagtatrabaho kaya naman nagtaka siya agad nang hindi ito nabungaran nang umagang iyon sa higaan nito.
Tinignan niya sa labas, sa sala, sa kusina at maging sa banyo ngunit wala ito. Nang makapaghilamos ay nagpunta siya sa kabilang bahay sa pag-aakalang baka nandoon lang ito ngunit wala raw. Tinanong niya sila kung nakita ba nila itong umalis, ang sumagot ay si Aling Caring.
"Maaga siyang umalis anak, nanghiram siya ng jeep. Ang paalam niya'y
