Alwena
"Baka naman matunaw na ako sa kakatitig mo niyan," aniko kay Chloe habang naririto ako sa harap ng salamin at nagsusuklay. Samantalang siya ay nasa gilid na ng kama, nakaupo at nakasandal sa headboard.
Katatapos ko lang mag-half bath at naghahanda na para sa pagtulog. Si Charleigh ay tumakbo patungo sa silid ni Allison na nasa tabi lang naman ng silid namin, matapos ko siyang linisan din ng katawan. Mamaya lang ay babalik din 'yon dito dahil alam kong gustong-gusto niyang makatabi niya ang daddy niya.
Si Chloe naman ay naligo at ako na ang tumulong sa kanya. Kahit papaano naman pala ay nakakatayo na siya at nakakahakbang ng pakaunti-kaunti. Medyo mahina pa nga lang ang mga tuhod niya pero pasasaan ba't bibilis na rin ang paggaling niya. Naririto naman kami ng mga anak niya para t
