Alwena
Matapos ang ilang kwentuhan ay sinamahan pa rin kami ni Charles and April na makalabas ng gate ng kanilang mansion, kasama ang ilan sa mga kapatid ni April na may buhat sa dalawang malalaking bag namin ni Charleigh.
Kinakabahan ako na may halong excitement dahil matapos ang mahigit limang taon ay nakauwi na akong muli sa bayan kong sinilangan at makakaharap ko ng muli ang mga magulang ko.
Natatakot din ako sa magiging salubong nila sa akin pero kasalanan ko naman ang lahat ng ito kaya nararapat ko lang tanggapin.
"Salamat talaga sa inyo, ha. Charles, April. Kahit huwag niyo na kaming ihatid."
"Sige lang, ihahatid na namin kayo," nakangiting sagot naman sa akin ni April. Si Charles ay nakangiti din na parang may ibig ipakahulugan.
Napakunot naman ang noo ko sa kanilang dalawa p
