Alwena
Alas sais na ng hapon nang huminto ang sinasakyan naming limousine sa tapat ng napakalaking hotel ng mga Delavega sa Taguig.
Natanaw ko sa malawak na entrance nito ang mga taong labas-masok at kapwa nakasuot ng mga naggagandahan at nagsososyalang mga dress at tuxedo. Gwardyado rin ang buong paligid at entrance ng hotel.
"Parang ang dami masyadong tao, Chloe," aniko kay Chloe na naghahanda na rin sa pagbaba. Hawak na niya si Charleigh.
Ang driver namin ay kaagad bumaba mula sa driver's seat at umikot. Nagtungo siya sa pinto kung nasaan kami bago niya ito binuksan.
"Yeah, there are really a lot of visitors there today," sagot naman niya habang naglalakad na siya palabas at buhat si Charleigh. Nagpahuli na ako dahil nahihiya talaga akong magpakita sa kanila.
Naalala ko lang din
