Pagbukas ng pintuan ay agad-agad ngang naglaho na parang bula si Mahalia mula sa kaniyang kinatatayuan.
Pumasok sa kwarto ang dalagang si Esmeralda na siyang marahan ngang inihiga ang hawak na sanggol sa kama kasunod ng pagsindi niya ng tatlong lamparang nakapalibot ngayon sa lalaking nakatali ang mga paa at kamay.
"Esmeralda!" bulalas ng lalaki nang tuluyan ngang maialis ang telang nakabalot sa kaniyang bunganga.
"Ano ang iyong gagawin sa akin? Maawa ka Esmeralda, pakawalan mo ako dito--"
"Tumahimik ka Juancho!" pakli ng dalaga na ngayon ay nanlilisik ang mga matang tinignan ang lalaki.
"Ano bang ginawa kong kasalanan sa iyo? Ni hindi ko nga alam kung bakit mo ako ikinulong dito--"
"Kasalanan? Ang iyong ulo ba ay nabagok at tuluyan mo nang nakalimutan ang kahayupang ginawa niyo
