"Hindi natin basta-bastang makukuha ang ginintuang palay kung hindi ko gagamitan ng kapangyarihan ang hangal na lalaking iyon Shakir," ani Afiya nang marahan siyang hilahin ngayon ng binata palayo ng mansyon.
"Afiya hindi natin maaaring gamitin ang kapangyarihan natin dahil wala dito si Ebraheem para burahin ang mga ala-ala nila."
"Kung gayon ay anong gagawin natin?"
Buntong-hiningang ibinaling ngayon ni Shakir ang tingin sa mansyon. "Kita ko ang panlalaki ng mga mata ng lalaki kanina nang oras na banggitin mo ang patungkol sa ginintuang palay kaya't natitiyak kong may alam siya patungkol dito."
Makalipas ang halos isang oras na pag-aantay ng dalawa sa labas ng mansyon ay natigilan ang mga ito at halos sabay ring napatayo sa kanilang mga kinauupuan nang nagbukas ang gate at sunod-suno
