NATHAN
Hindi ko naiwasang ngumisi nang sarkastiko. How ironic. Nakatingin si Miles kay Red at nakatingin naman ako sa kanya. Sa gilid naman ng mga mata ko, nakatingin sa 'kin si Zell.
Biglang bumaling ang tingin ni Miles sa 'kin. Ang lakas ng t***k ng puso ko nang magtama ang mga mata namin. At parang bigla ring nagsikip ang dibdib ko nang may makita akong luha at lungkot sa mga mata niya.
Nag-iwas siya ng tingin at sunud-sunod na uminom ng wine. Gusto ko siyang pigilan. Kaya lang, hindi ako makagalaw sa kinauupuan ko. At siguro, kailangan niya ring gawin iyan dahil mukhang may mabigat siyang dinaramdam.
Nang matapos sa pagkanta si Red, siya naman ang tumayo. At halos humigpit ang hawak ko sa baso ko nang makitang hinawakan at nag-aalalang tumingin si Red sa kanya.
Isa lang ang gust
