MILES
Nagpakawala ako ng isang malalim na buntong-hininga bago muling sinipat ang sarili ko mula sa salamin. Quarter to six na ng gabi at ready na ako sa pagkikita namin ni Nate mamayang alas-siyete.
Tandang-tanda ko pa ang mga sinabi sa 'kin kanina nina Max at Sam nang sabihin ko sa kanilang sasabihin ko na kay Nate ang totoo ngayong gabi.
"Finally! Buti naman at nagising na ang natutulog mong isip at puso. 'Yong pagdating lang pala ng kinakapatid ni Nate ang magtutulak sa 'yong sabihin ang totoo. Na-threat-en ka na baka maagaw niya si Nathan sa 'yo, ano?" - Max
"Hindi lang naman si Zelline ang dahilan kung bakit ko sasabihin sa kanya. Nahihirapan na rin ako sa sitwasyon namin."
"Dapat naman talaga sa simula pa lang, sinabi mo na ang totoo sa kanya. Eh, 'di sana, hindi kayo nahirapan
