MILES
Isang linggo na rin ang nakakalipas nang makasama ko sa trabaho si Nate. So far, professional naman ang pakikitungo namin sa isa't-isa. Wala pang nakakapansin sa 'min na parang magkakilala kami dahil hindi naman kami nag-uusap nang may kinalaman sa personal naming buhay kapag oras ng trabaho.
Kasabay ko ngayon si Jared mag-lunch dito sa cafeteria sa loob ng company. Magkaharap kaming nakaupo sa upuan. Siya lang naman ang constant lunch date ko kaya nga hindi maiwasan ang bulung-bulungan na may relasyon daw kaming dalawa. Gaya ngayon, may mga mapanuring tingin na naman ang nakamasid sa 'min. We just chose to ignore them.
Nalaman ko rin mula kay Jared na si Nate ang best friend na tinutukoy niya na nakausap ko rin noon sa phone. Kaya pala magkaboses sila. Si Nate pala talaga iyon.
