Three years later...
Dalawang beses na napakusot sa kaniyang mga mata si Kimberly nang magising siya na madilim ang buong paligid ng kuwarto. Kumunot ang kaniyang noo nang wala siyang makapa sa tabi niya.
Bumangon siya para pumunta ng banyo. Subalit nasilaw siya nang biglang lumiwanag ang pader, na siguradong ginamitan ng image projector. Maya-maya pa'y lumabas doon ang isang mensahe:
My forever Sweetie,
Will you marry me again?
Sam
Napakasimple lamang ng mensaheng iyon ngunit hindi pa rin napigilan ni Kimberly ang mapaluha. Kulang-kulang tatlong taon na ang nakalipas simula n'ong ikasal sila ni Sam.
At bawat taon ay paulit-ulit itong nagpo-propose sa kaniya na tinatanggap naman niya. Kaya ang nangyayari ay ilang beses na rin silang ikinasal.
"Hindi ko alam kung paano ko sasabi
