Isa pang malakas na suntok ang pinakawalan ni Sam sa lamesa nang makaalis si Kimberly. Pakiramdam niya ay sasabog siya sa magkahalong galit at pagkalito.
Gustong-gusto niyang habulin ang dalaga upang yakapin at humingi ng tawad dahil sa mga masasakit na salitang binitiwan niya rito. Subalit hanggang ngayon ay hindi pa rin mawala sa isip niya ang mga nalaman mula kay Dean.
Sobra siyang nasaktan nang sabihin sa kaniya ng kaibigan ang pagkikita nito at ni Kimberly sa Pleasure Club. Ayaw niyang maniwala n'ong una dahil batid niyang mahal na mahal siya ng nobya at alam niyang may dahilan lang ito kaya napadpad noon sa nasabing club.
Pero kailan man ay hindi nagsinungaling sa kaniya si Dean. At saka inisip din ni Sam na paano kung nangailangang muli ng mahalagang halaga si Kimberly para sa p
