Chapter Twenty Five:
“Woooh! Grabe, grabe! Ang sarap sa ears!” nagtatatakbo kaagad si Girly sa loob ng bar nang marinig ang malakas na dagundong ng music.
Natatawang hinawakan lang ni Ivo ang kamay ko at pinagsalikop iyon. He kissed me on my right cheek before we entered. Sinundan namin si Girly kahit na ang dami n’yang hinihintuan. Iyong iba, ewan ko pero mukhang ex n’ya na hindi ko na nga nakilala. Iyong iba naman, kaibigan namin. Bahagya pa akong sinusulyapan pero sa tuwing magagawi ang tingin kay Ivo, hindi na ako magawang batiin pa. Iyong mga babae naman, panay ang sulyap kay Ivo, mga naglalaway sa kagwapuhan ng boyfriend ko.
Nang makarating kami sa table kung saan naroon ang mga kaibigan namin, nagulat ako sa malakas na tilian ng iba. Buong grupo silang naroon at hindi ko inaasaha
