My Secret Love

Chapter 3

CHAPTER 3 (Nami's POV)

"Man she's hot." Kanina pa sinasabi ni Ethan yun.

Napapailing na lang si Nami. Kanina pa nakaakyat sa kwarto nito si Yuri. But Ethan kept on talking about the girl upstairs. Nag sisimula na siyang mainis dahil ayaw niya ang naririnig sa bibig nito. 

"The real question is. Bakit napaaga ata ang dating nito?" her kuya Tyron said. Nakaupo ito sa couch habang hawak ulit ang joystick ng playstation. Nag lalaro ito ng call of duty sa PS4. 

"Malamang hindi namin alam. Parepareho kaya tayong andito." Ethan said. Kagaya ng kuya niya ay may hawak din itong joystick. Ito ang kakampi ng kuya niya sa call of duty na nilalaro ng mga ito. 

Kuya Tyron just scoffed at him. 

Mukha namang gusto nang sakalin ni Mark si Ethan. Naka extend na kasi ang kamay ng una sa huli."Mas maganda pa din si Nami natin kesa sa kanya no." Mark said. Sabay tingin sa kanya. 

Napangiti na lang siya. Kung tutuusin mas maganda naman talaga si Yuri. Mas makinis ito at mas maputi. Maganda ang labi. Natural lang na mapula iyon. Idagdag pa ang malamlam nitong mata na kulay gray. Bawas nga lang sa ganda nito ang ugali pero hindi niya alam kung ganun pa rin hanggang ngayon. 

"Ayaw niyo pang aminin mga dude. Ang seksi kaya tsaka ang ganda. Halatang may lahi. And those sultry gray eyes. Man. I want to gaze at those. Ano kayang itsura nun kapag dinala ko siya sa langit di ba?" Ethan said. 

Namula agad ang pisngi niya sa pinagsasabi ni Ethan. She immediately imagined Yuri having her mouth open and panting. Kumabog ang dibdib niya. No. Stop it Nami.

Saglit siyang pumikit at huminga ng malalim. What was that?

Kumunot ang noo ni Kyle. "Easy sa pagsasalita Ethan. May babae dito."

Sa sinabi ni Kyle napatingin siya dito. Nahuli niya ang mga tingin nito. She saw worry in his eyes. Ngumiti siya para mapanatag ito. Then she mouthed thank you. 

Nakangiting tumango ito at nag thumbs up pa. Kaya crush niya ito. He was a sensitive guy. Pero pinag babawakan siya ng kuya niya. Alam kasi nito ang kalokohan ni Kyle dati. Mabuti pa ito kahit badboy marunong naman makaramdam. Hindi kagaya ni Ethan. 

Binato naman ng unan ni Mark si Ethan. "Ikaw talaga yang bunganga mo. Kaya ka di magustuhan ni Nami eh." 

"Anong sabi mo?" tila pikon namang sagot ni Ethan dito.

Then the next thing she knew. Nag bubugbugan na yung tatlo sa couch. Napatingin siya sa kuya niya. Kanina pa kasi ito tahimik. Nakapangalumbaba ito habang hawak lang ang isang cookie sa kamay. 

She went to his side. "Kuya ang lalim ng iniisip mo ah?"

Ngumiti ito ng bahagya. "Sis. Tingin mo ganun pa din kaya ugali niya?"

"Sa tingin ko naman hindi na."Napatitig siya dito. "Bakit kuya?" 

"Ah wala. Sige.” umiwas ito ng tingin saka ginulo ang buhok niya. “May practice pa ako sa baseball team. Ikaw na ang bahala sa tatlong ugok na 'to ah? Ligo lang muna ako sa taas. Then aalis na ako. Sasama ko na din yung tatlong unggoy." 

Marahang tumango siya dito. Kumunot ang noo niya dahil napansin niya na balisa ang kuya niya. 

Sinundan niya ito ng tingin hanggang sa maka-akyat ito sa second floor. Nasa taas din kasi ang room ng kuya niya. Nasa pinakadulong kwarto. Samantalang ang sa kanya ay katapat lang ng room ni Yuri. Pangalawang kwarto pag akyat ng hagdan. 

And speaking of Yuri. Napatingin si Nami sa lamesa kung nasaan ang cookies na ginawa niya. Napangiti siya. Maybe if she and Yuri start on a good term. Hindi na siya awayin nito. Kagaya nga ng sabi niya sa kuya niya. Mukha namang nagbago na ito. Tsaka siya naman ang nag sabing bigyan nila ng benefit of the doubt ang dalaga. 

Kinuha niya sa lamesa ang jar ng cookies. Nakangiting umakyat siya ng second floor. Sana gising na ito ngayon. Lumipas na din kasi ang dalawang oras. Hindi na siya nag paalam sa tatlo dahil mukhang busy na ang mga ito sa kulitan. 

Agad siyang kumatok nang nasa tapat na siya ng kwarto nito. 

"Y-Yuri?"

Ilang minuto pa pero mukhang walang mag bubukas. Napangiwi siya. Mukhang tulog pa ito. O kaya naman she really chooses to ignore me.

Nalungkot siya sa naisip niya. Tumalikod siya para bumaba, but the door suddenly opened. Nanlaki ang mga mata niya ng makitang naka tapis lang ito ng tuwalya. Nagpupunas pa ito ng buhok. Hindi niya na naman maiwasang hagurin ito ng tingin. 

Tumaas ang kilay nito ng mapansin ang ginawa niya. 

Napaiwas siya ng tingin. Nope. Hindi niya sinundan ng tingin ang butil ng tubig na pumatak mula sa buhok nito patungo sa gitna ng dibdib. And no she didn't just think Yuri was sexy. Lalo na ang nakaumbok nitong dibdib. And did Yuri's n****e just poke out? Napailing siya. For christ sake, Nami! You had those too! 

"U-Uh... Uhmm...." itinapat niya sa mukha ang jar ng cookies. Sobrang hiyang hiya siya dito. "P-Para sayo. P-Peace offering."

Hindi ito sumagot. Ayaw niyang tumingin sa mukha nito dahil alam niyang susungitan siya nito. Yun kasi ang madalas nitong gawin sa kanya noon. Lalo na kapag may ibinigay siya dito. 

"Salamat." Naramdaman niya ang pag hawak nito sa kamay niyang hawak ang jar. 

Muntik pa tuloy malaglag ang hawak niya dahil sa kuryente galing sa kamay nito. Hindi pa siya nakakabawi sa pagkabigla dahil tinanggap nito ang binigay niya. Bigla na lang itong tumawa. Those sexy laughs. Napanganga na naman tuloy siya habang tinitingnan ito. Ang ganda talaga.

Saglit siyang natigilan pagkakita sa mukha nitong nakatawa. Ngayon niya lang kasi nakita iyon dito. Masisisi niyo ba siya? 

"What?" tinaasan siya nito ng kilay. Mukhang napansin na nito ang ginagawa niya. 

"U-Uh--"Hindi pa niya tapos ang sasabihin niya nang marinig niya ang papalapit na yabag nina Ethan. Napalingon siya sa hagdan. Ethan is now walking towards the stairs. 

"Nami?! Asan ka na? Uy pahingi pa ng cookies!" 

Ibinalik niya ang tingin sa babaeng nasa harap niya. Kababaeng tao. Walang pakealam kung makita ito ng ibang tao, lalo na ng lalake na halos hubo't hubad. Kilala niya si Ethan. Manyakis pa naman yun. 

So sobrang panic. Wala sa sariling. Itinulak niya si Yuri sa loob ng sarili nitong kwarto. Hinila niya na din ang knob para isara iyon. 

"What the heck----"

Agad niyang tinakpan ang bibig nito. Saka niya inilapit ang mukha para itapat sa sariling bibig ang hintuturo.

"Sshh..." 

Tumaas ang kilay nito. Nakahinga siya ng maluwag dahil nakinig naman ito sa kanya.

"Nami?" rinig niyang tawag ni Ethan sa kanya. "Asan na yun? Dude nakita mo ba yung kapatid mo?"

"Ewan ko baka nasa kwarto niya." rinig niyang sagot naman ng kuya Tyron niya dito. 

"Ah. Pwede pumasok sa kwarto niya?"

"Sira ka?! Gusto mo sapak? Bawal ka sa kwarto ng baby sis ko. Manyak."

Mukhang sinapak nga ng kuya niya si Ethan dahil narinig nilang umaray ito. Narinig na lang niya ang yabag ng mga paa ng mga ito papalayo. 

She exhaled the breath she was holding. Muntik na yun ah?

Naibaling niya ang tingin sa babaeng kaharap. Ngumiti siya dito pero walang emosyon siya nitong tiningnan. Bakit ba ito badtrip? Bumaba ang tingin nito sa kamay niya na nakahawak sa bibig nito. Saka ulit iyon bumalik sa mga mata niya. Natigilan siya nang ma realize niya kung ano ang posisyon nilang dalawa. 

Shocks!