Ilang minuto pa silang nagtampisaw sa tubig. Mistulan silang naghabulan ni Linus dahil kung saan siya lalangoy, susundan siya nito. Hindi naman siya mapakali sa iisang lugar dahil baka ma-corner siya ng lalaki kaya lilipat na naman siya ng puwesto.
Tuluyan lang siyang nahabol nito nang mapunta siya sa pinakamalamig na parte ng tubig. Hinawakan siya nito sa isang kamay bago niyakap nang mahigpit mula sa likuran. Gusto niya sanang iwaksi ang mga braso nito pero may kung ano sa loob niya na pumiligil sa kaniyang gawin iyon.
Ilang segundo nitong ibinaon ang mukha sa leeg niya. Siya naman ay hinayaan lang ito at dinama ang sandaling iyon. Sa katagalan, nasasanay na siya sa presensiya ng lalaki. Sa tuwing nasa tabi niya ito, pakiramdam niya ay ligtas siya.
"Halika," bulong nito sa isang tai
